-
-
Afrikaans (1953) -
-
1
|Oseas 11:1|
Toe Israel 'n kind was, het Ek hom liefgehad, en uit Egipte het Ek my seun geroep.
-
2
|Oseas 11:2|
Hoe meer die profete hulle geroep het, des te meer het hulle van húlle af weggeloop; hulle het aan die Baäls geoffer en vir die gesnede beelde rook laat opgaan.
-
3
|Oseas 11:3|
En Ek self het Efraim leer loop. Hy het hulle op sy arms geneem, maar hulle het nie erken dat Ek hulle genees het nie.
-
4
|Oseas 11:4|
Met mensebande, met koorde van liefde het Ek hulle getrek; en Ek was vir hulle soos diegene wat die juk van hulle kakebeen af oplig; en Ek het My na hom neergebuig, Ek het hom voedsel gegee.
-
5
|Oseas 11:5|
Hy sal na Egipteland nie terugkeer nie, maar Assur--dié sal sy koning wees; omdat hulle geweier het om hulle te bekeer.
-
6
|Oseas 11:6|
En die swaard sal geswaai word in sy stede en sy grendels vernietig en verteer weens hulle planne.
-
7
|Oseas 11:7|
Want my volk dwing om van My afvallig te word; en as die profete hom roep na bo, rig hy hom glad nie op nie.
-
8
|Oseas 11:8|
Hoe kan Ek jou oorgee, o Efraim, jou prysgee, o Israel? Hoe kan Ek jou maak soos Adma, jou gelykstel met Seboïm: my hart is omgekeer in My, tegelykertyd is my medelyde opgewek.
-
9
|Oseas 11:9|
Ek sal my toorngloed nie laat geld nie, Ek sal Efraim nie weer te gronde rig nie; want Ek is God en nie 'n mens nie, die Heilige in jou midde. En Ek sal nie kom in grimmigheid nie.
-
10
|Oseas 11:10|
Hulle sal agter die HERE aan trek; Hy sal brul soos 'n leeu. Want Hy sal brul, en die kinders sal met siddering van die seekant aankom.
-
-
Sugerencias
Haga clic para leer Jueces 1-3