-
-
Afrikaans (1953) -
-
1
|Oseas 6:1|
Kom en laat ons terugkeer tot die HERE; want Hy het verskeur en sal ons genees, Hy het geslaan en sal ons verbind.
-
2
|Oseas 6:2|
Hy sal ons ná twee dae lewend maak, op die derde dag ons laat opstaan, sodat ons voor sy aangesig kan lewe.
-
3
|Oseas 6:3|
En laat ons ken--laat ons dit najaag om die HERE te ken; sy opgang is so seker soos die dagbreek, en Hy sal tot ons kom soos die reën, soos die laat reëns wat die aarde besproei.
-
4
|Oseas 6:4|
Wat sal Ek met jou doen, o Efraim; wat sal Ek met jou doen, o Juda? aangesien julle liefde is soos 'n môrewolk en soos 'n dou wat vroeg weer verdwyn.
-
5
|Oseas 6:5|
Daarom het Ek hulle neergekap deur die profete, hulle gedood deur die woorde van my mond, en die oordele oor jou kom te voorskyn soos 'n ligstraal.
-
6
|Oseas 6:6|
Want Ek het 'n behae in liefde en nie in offerande nie, en in kennis van God meer as in brandoffers.
-
7
|Oseas 6:7|
Maar hulle het soos Adam die verbond oortree, daar het hulle troueloos teen My gehandel.
-
8
|Oseas 6:8|
Gílead is 'n stad van kwaaddoeners, vol bloedspore.
-
9
|Oseas 6:9|
En soos 'n rower op die loer lê, loer 'n priesterbende; hulle pleeg moord op die pad na Sigem, ja, hulle het skandelike dade gedoen.
-
10
|Oseas 6:10|
In die huis van Israel het Ek 'n afskuwelike ding gesien: Efraim het daar tot hoerery verval, Israel is verontreinig.
-
-
Sugerencias
Haga clic para leer Job 3-5