-
-
Afrikaans (1953) -
-
1
|Oseas 4:1|
Hoor die woord van die HERE, o kinders van Israel! Want die HERE het 'n regsaak met die inwoners van die land, omdat daar geen trou en geen liefde en geen kennis van God in die land is nie.
-
2
|Oseas 4:2|
Hulle sweer en lieg en moor en steel en pleeg owerspel; hulle breek in, sodat bloedbad aan bloedbad raak.
-
3
|Oseas 4:3|
Daarom treur die land, en alles wat daarop woon, kwyn weg: die wilde diere van die veld en die voëls van die hemel, ja, ook die visse van die see kom om.
-
4
|Oseas 4:4|
Laat net niemand met ons twis of ons berispe nie! Nogtans is jou volk soos die wat met die priester twis!
-
5
|Oseas 4:5|
Daarom sal jy struikel bedags, en ook die profeet saam met jou struikel in die nag, en Ek sal jou moeder te gronde laat gaan.
-
6
|Oseas 4:6|
My volk gaan te gronde weens gebrek aan kennis; omdat jy die kennis verwerp het, sal Ek jou verwerp, sodat jy vir My die priesteramp nie sal bedien nie; omdat jy die wet van jou God vergeet het, sal Ek ook jou kinders vergeet.
-
7
|Oseas 4:7|
Hoe meer hulle vermenigvuldig het, des te meer het hulle teen My gesondig. Ek sal hulle heerlikheid in skande verander.
-
8
|Oseas 4:8|
Hulle lewe van die sondoffer van my volk, en na dié se ongeregtigheid verlang hulle siel.
-
9
|Oseas 4:9|
Daarom sal dit met die priester gaan soos met die volk--Ek sal by hom besoeking doen oor sy weë en hom vergeld na sy dade.
-
10
|Oseas 4:10|
Dan sal hulle eet, maar nie versadig word nie; hulle sal hoereer, maar nie uitbreek in menigte nie; want hulle het nagelaat om die HERE te vereer.
-
-
Sugerencias
Haga clic para leer Job 3-5