-
-
Xhosa -
-
1
|1 Pedro 5:1|
Amadoda amakhulu la aphakathi kwenu ndiyawavuselela, ndikwayindoda enkulu kunye nawo, nengqina leentlungu zikaKristu, nedlelane nawo ngobuqaqawuli obuza kutyhileka.
-
2
|1 Pedro 5:2|
Waluseni umhlambi kaThixo ophakathi kwenu, niwuvelela, kungengakunyanzelwa, makube ngokokuzithandela; kungengenxa yenzuzo embi, makube ngokuthumekelela;
-
3
|1 Pedro 5:3|
kungabi njengabazigagamelayo izahlulo zawo, yibani yimizekelo kumhlambi.
-
4
|1 Pedro 5:4|
Nothi, akubonakala uMalusi oyintloko, nisifumane isithsaba salo uzuko esingabuniyo.
-
5
|1 Pedro 5:5|
Ngokunjalo, nina manci, wathobeleni amadoda amakhulu. Thobelanani nonke ke, ninxibe ukuthobeka kwentliziyo; ngokuba uThixo uyabachasa abanekratshi, abababale ke abazithobileyo.
-
6
|1 Pedro 5:6|
Zithobeni ngoko ngaphantsi kwesandla esinamandla sikaThixo, ukuze aniphakamise ngexesha elifanelekileyo.
-
7
|1 Pedro 5:7|
Lonke ixhala lenu liphoseni phezu kwakhe, ngokuba yena enikhathalele.
-
8
|1 Pedro 5:8|
Yibani nobungcathu, phaphani; ngokuba ummangaleli wenu, uMtyholi, uhamba njengengonyama egqumayo, efuna ubani angamginyayo;
-
9
|1 Pedro 5:9|
mchaseni lowo, nizimasekile elukholweni, nisazi ukuba kwaezo ntlungu ziyenzeka kubo abazalwana benu abasehlabathini.
-
10
|1 Pedro 5:10|
Ke kaloku uThixo walo lonke ubabalo, owasibizelayo eluzukweni lwakhe olungunaphakade, sikuKristu Yesu, wanga angathi ngokwakhe, nakuba nive ubunzima umzuzwana, anilungise nigqibelele, anizimase, anomeleze, anisekele.
-
-
Sugerencias
Haga clic para leer 1 Corintios 8-10