-
-
Xhosa -
-
1
|Hageo 1:1|
Ngomnyaka wesibini kaDariyo ukumkani, ngenyanga yesithandathu, ngosuku lokuqala enyangeni leyo, kwafika ilizwi likaYehova ngoHagayi umprofeti, kuZerubhabheli unyana kaShalatiyeli, ibamba lakwaYuda, nakuYoshuwa unyana kaYotsadaki, umbingeleli omkhulu, lisithi,
-
2
|Hageo 1:2|
Utsho uYehova wemikhosi ukuthi, Aba bantu bathi, Asikabi lixesha lokuba kuziwe, asikabi lixesha lokuba yakhiwe indlu kaYehova.
-
3
|Hageo 1:3|
Kwafika ke ilizwi likaYehova ngoHagayi umprofeti, lisithi,
-
4
|Hageo 1:4|
Lixesha na kuni nina, lokuba nihlale ezindlwini zenu zalekiwe, ibe le ndlu yam yona ilinxuwa?
-
5
|Hageo 1:5|
Kaloku ke, utsho uYehova wemikhosi ukuthi, Zigqaleni iindlela zenu.
-
6
|Hageo 1:6|
Nahlwayela kakhulu, ningenise kancinane; niyadla, ningahluthi; nisela, ninganeli kukusela; nambatha, ningevi ntsitho; noziqeshisayo uziqeshisela ukuba agalele engxoweni enezikroba.
-
7
|Hageo 1:7|
Utsho uYehova wemikhosi ukuthi, Iindlela zenu zigqaleni.
-
8
|Hageo 1:8|
Nyukani niye kweleentaba, nize nemithi, niyakhe indlu le; ndokholiswa ke yiyo, ndizizukise; utsho uYehova.
-
9
|Hageo 1:9|
Nalindela into eninzi, nantso isuke yaba yinto encinane; nithe nakuza nayo ekhaya, ndayiphephetha. Ngani ke? utsho uYehova wemikhosi; ngenxa yendlu yam, yona le ilinxuwa, nibe nina elowo ebalekela endlwini yakhe.
-
10
|Hageo 1:10|
Ngenxa yoko, ngenxa yenu, izulu liyala nombethe, nomhlaba wala neendyebo zawo.
-
-
Sugerencias
Haga clic para leer 1 Corintios 8-10