-
-
Xhosa -
-
1
|2 Corintios 2:1|
Mna ke okwam, ndagqiba kweli lokuba ndingabuyi ndize kuni ndibuhlungu.
-
2
|2 Corintios 2:2|
Kuba mna ukuba ndinenza buhlungu, kusekho bani na ke ondenza ndibe nemihlali, ongenguye lowo wenziwe wabuhlungu kwandim?
-
3
|2 Corintios 2:3|
Ndanibhalela ke kwakona oku, ukuze ndakufika ndingabi buhlungu ngabo bendimelwe kukuvuya ngabo; ndikholosile ngani nonke, ukuba uvuyo lwam ikwalolwenu nonke.
-
4
|2 Corintios 2:4|
Kuba ndanibhalela ekubandezelekeni nasekuxinezelekeni okukhulu kwentliziyo yam, ndineenyembezi ezininzi; ndingenzeli ukuze nenziwe buhlungu, ndisenzela ukuze nilwazi uthando endinithanda ngalo ngokugqithiseleyo.
-
5
|2 Corintios 2:5|
Ke ukuba ubani wenze kwabuhlungu, akenze kwabuhlungu mna, wenze ngenxenye nina nonke; nditsho ukuze ndingamcinezeli.
-
6
|2 Corintios 2:6|
Kumanele lowo unjalo oko kumkhalimela kwabona baninzi kuni;
-
7
|2 Corintios 2:7|
ngokokude nithi kanye senimxolela, nimthuthuzele, hleze lowo unjalo aselesuka edliwa kukuba buhlungu ngokugqithiseleyo.
-
8
|2 Corintios 2:8|
Kungoko ndiniyalayo, ndithi, luzinziseni uthando kuye;
-
9
|2 Corintios 2:9|
kuba ndabhalela kona oku, ukuze ndikwazi ukucikideka kwenu, ukuba ningabevayo na ezintweni zonke.
-
10
|2 Corintios 2:10|
Enimxolelayo ke into, ndiyamxolela nam; kuba nam, ukuba ndixolele into endiyixoleleyo, ndenze ngenxa yenu, phambi kukaKristu;
-
-
Sugerencias
Haga clic para leer 1 Corintios 8-10