-
-
Xhosa -
-
1
|2 Timoteo 4:1|
Ndiyaqononondisa mna ngoko emehlweni kaThixo, neNkosi yethu uYesu Kristu, oza kugweba abaphilileyo nabafileyo, kwanangokubonakala kwakhe nobukumkani bakhe:
-
2
|2 Timoteo 4:2|
livakalise ilizwi; zingisa ukwenjenjalo ngamathuba alungileyo naxakileyo; yohlwaya, khalimela, vuselela, unako konke ukuzeka kade umsindo, nokufundisa.
-
3
|2 Timoteo 4:3|
Kuba kuya kubakho ixesha abangayi kuyinyamezela imfundiso ephilileyo; baya kusuka ngokweenkanuko zabo bazifumbele abafundisi, bebaba iindlebe;
-
4
|2 Timoteo 4:4|
babeya kuzisonga zimke iindlebe kuyo inyaniso, baphambukele ke kuzo iintsomi.
-
5
|2 Timoteo 4:5|
Ke wena yiba yingcathu ezintweni zonke, nyamezela ububi, umsebenzi womshumayeli weendaba ezilungileyo wenze, buzalise ubulungiseleli bakho.
-
6
|2 Timoteo 4:6|
Kuba mna sendithululwa ngokomnikelo; nalo ixesha lokunduluka kwam likufuphi.
-
7
|2 Timoteo 4:7|
Umzamo omhle ndiwuzamile, ugqatso ndilufezile, ukholo ndilugcinile.
-
8
|2 Timoteo 4:8|
Okokugqibela ndibekelwe isithsaba sobulungisa, eya kundibuyisela ngaso ngaloo mini iNkosi, umgwebi olilungisa; ingabi ndim ndedwa ke, ibe ngabo bonke abakuthandayo ukubonakala kwayo.
-
9
|2 Timoteo 4:9|
Khawuleza uze kum kamsinya;
-
10
|2 Timoteo 4:10|
kuba uDemasi wandishiya ngokuthanda iphakade langoku, waya eTesalonika; uKreske uye kwelaseGalati; uTito uye kwelaseDalmati.
-
-
Sugerencias
Haga clic para leer Romanos 1-4