-
-
Xhosa -
-
1
|Cantares 7:1|
Azi kuhle ukunyathela kwakho ngeembadada, ntombi yenene! Izimbo zamanqe akho zinjengezidanga, Umsebenzi wezandla zengcibi.
-
2
|Cantares 7:2|
Inkaba yakho sisidendeleko esiyinqila; Masingasweli iwayini ephithikeziweyo; Isisu sakho sisidimbilili sengqolowa, Sibiyelwe ngeenyibiba.
-
3
|Cantares 7:3|
Amabele akho omabini anjengamankonyana ebhadi, Amankonyana amabini ebhadi, angamawele.
-
4
|Cantares 7:4|
Intamo yakho injengenqaba yophondo lwendlovu; Amehlo akho ngamachibi aseHeshbhon, Ngasesangweni layo, inabantu abaninzi; Impumlo yakho injengenqaba yaseLebhanon Ebheke eDamasko.
-
5
|Cantares 7:5|
Intloko yakho phezu kwakho injengeKarmele, Ubuyakayaka bentloko yakho bunjengosinga olumfusa; Ukumkani ukhonkxwe ngeenjiko zabo.
-
6
|Cantares 7:6|
Azi umhle, azi umnandi, Luthando, eziyolweni!
-
7
|Cantares 7:7|
Iwonga lakho eli lifana nomthi wesundu; Amabele akho afana nezihloko zomdiliya.
-
8
|Cantares 7:8|
Ndathi, Ndiya kuminya emthini wesundu; Ndiya kubambelela emagqabini awo; Amabele akho makabe njengezihloko zomdiliya, Nevumba lempumlo yakho libe njengeeapile;
-
9
|Cantares 7:9|
Nekhuhlangubo lakho libe njengewayini le ilungileyo, Ihla kamnandi kwintanda yam, Ibanga ukuba uthethe umlomo wabaleleyo.
-
10
|Cantares 7:10|
Mna ndingowentanda yam, Kukum ukungxamela kwayo.
-
-
Sugerencias
Haga clic para leer 2 Corintios 5-7