-
-
Xhosa -
-
1
|Filipenses 1:1|
UPawulos noTimoti, abakhonzi bakaYesu Kristu, babhalela bonke abangcwele abakuKristu Yesu, abaseFilipi, ndawonye nabaveleli nabalungiseleli;
-
2
|Filipenses 1:2|
bathi, Makube lubabalo kuni, noxolo, oluvela kuThixo uBawo wethu, neNkosi yethu uYesu Kristu.
-
3
|Filipenses 1:3|
Ndihlala ndibulela kuye uThixo wam, ekunikhumbuleni kwam konke
-
4
|Filipenses 1:4|
(ekukhungeni kwam konke ndikhunga ngenxa yenu nonke, ndivuyile),
-
5
|Filipenses 1:5|
ngenxa yobudlelane benu obubhekisele kuzo iindaba ezilungileyo, kususela kwimini yokuqala kude kube ngoku;
-
6
|Filipenses 1:6|
ekubeni ndikholose ngayo le nto, yokuba lowo wawuqalayo ngaphakathi kwenu umsebenzi olungileyo, wowufeza, ide ibe yiloo mini kaYesu Kristu;
-
7
|Filipenses 1:7|
njengokuba ndilungisa ukucinga oko ngani nonke, ngenxa yokuba nikum entliziyweni, nithe, nasezintanjeni zam, nasekuziphenduleleni kwam, nasekuziqiniseni kwam iindaba ezilungileyo, naba ngamadlelana nam ngobabalo olu, nina nonke.
-
8
|Filipenses 1:8|
Kuba uThixo ulingqina lam lokuba kukhulu ukunilangazelela kwam nonke, ndineemfesane zikaYesu Kristu.
-
9
|Filipenses 1:9|
Nako oku ndiya kuthandazela, ukuba uthando lwenu lube kukhona luphuphuma ngokuphuphuma ukwazi okukhulu, nako konke ukuqonda,
-
10
|Filipenses 1:10|
ukuze nizicikide izinto eziziincamisa, ukuze nibe nokusulungeka, ningabi nasiwo, nide nise kwimini kaKristu;
-
-
Sugerencias
Haga clic para leer 2 Corintios 5-7