-
-
Tagalog - Ang Dating Biblia (1905) -
-
1
|1 Corintios 10:1|
Sapagka't hindi ko ibig mga kapatid, na di ninyo maalaman, na ang ating mga magulang ay nangapasa ilalim ng alapaap, at ang lahat ay nagsitawid sa dagat;
-
2
|1 Corintios 10:2|
At lahat ay nangabautismuhan kay Moises sa alapaap at sa dagat;
-
3
|1 Corintios 10:3|
At lahat ay nagsikain ng isang pagkain ding ayon sa espiritu;
-
4
|1 Corintios 10:4|
At lahat ay nagsiinom ng isang inumin ding ayon sa espiritu; sapagka't nagsiinom sa batong ayon sa espiritu na sumunod sa kanila: at ang batong yaon ay si Cristo.
-
5
|1 Corintios 10:5|
Bagaman ang karamihan sa kanila ay hindi nakalugod sa Dios; sapagka't sila'y ibinuwal sa ilang.
-
6
|1 Corintios 10:6|
Ang mga bagay na ito nga'y pawang naging mga halimbawa sa atin, upang huwag tayong magsipagnasa ng mga bagay na masama na gaya naman nila na nagsipagnasa.
-
7
|1 Corintios 10:7|
Ni huwag din naman kayong mapagsamba sa mga diosdiosan, gaya niyaong ilan sa kanila; ayon sa nasusulat, Naupo ang bayan upang magsikain at magsiinom, at nagsitindig upang magsipagsayaw.
-
8
|1 Corintios 10:8|
Ni huwag din naman tayong makiapid, na gaya ng ilan sa kanila na nangakiapid, at ang nangabuwal sa isang araw ay dalawangpu at tatlong libo.
-
9
|1 Corintios 10:9|
Ni huwag din naman nating tuksuhin ang Panginoon, na gaya ng pagkatukso ng ilan sa kanila, at nangapahamak sa pamamagitan ng mga ahas.
-
10
|1 Corintios 10:10|
Ni huwag din kayong mangagbulongbulungan, na gaya ng ilan sa kanila na nangagbulungan, at nangapahamak sa pamamagitan ng mga mangwawasak.
-
-
Sugerencias
Haga clic para leer Éxodo 39-40