-
-
Tagalog - Ang Dating Biblia (1905) -
-
1
|1 Corintios 13:1|
Kung ako'y magsalita ng mga wika ng mga tao at ng mga anghel, datapuwa't wala akong pagibig, ay ako'y naging tanso na tumutunog, o batingaw na umaalingawngaw.
-
2
|1 Corintios 13:2|
At kung magkaroon ako ng kaloob na panghuhula, at maalaman ko ang lahat ng mga hiwaga at ang lahat ng mga kaalaman; at kung magkaroon ako ng buong pananampalataya, na ano pa't mapalipat ko ang mga bundok, datapuwa't wala akong pagibig, ay wala akong kabuluhan.
-
3
|1 Corintios 13:3|
At kung ipagkaloob ko ang lahat ng aking mga tinatangkilik upang ipakain sa mga dukha, at kung ibigay ko ang aking katawan upang sunugin, datapuwa't wala akong pagibig, ay walang pakikinabangin sa akin.
-
4
|1 Corintios 13:4|
Ang pagibig ay mapagpahinuhod, at magandang-loob; ang pagibig ay hindi nananaghili; ang pagibig ay hindi nagmamapuri, hindi mapagpalalo.
-
5
|1 Corintios 13:5|
Hindi naguugaling mahalay, hindi hinahanap ang kaniyang sarili, hindi nayayamot, hindi inaalumana ang masama;
-
6
|1 Corintios 13:6|
Hindi nagagalak sa kalikuan, kundi nakikigalak sa katotohanan;
-
7
|1 Corintios 13:7|
Lahat ay binabata, lahat ay pinaniniwalaan, lahat ay inaasahan, lahat ay tinitiis.
-
8
|1 Corintios 13:8|
Ang pagibig ay hindi nagkukulang kailan man: kahit maging mga hula, ay mangatatapos; maging mga wika, ay titigil: maging kaalaman, ay mawawala.
-
9
|1 Corintios 13:9|
Sapagka't nangakakakilala tayo ng bahagya, at nanganghuhula tayo ng bahagya;
-
10
|1 Corintios 13:10|
Datapuwa't kung dumating ang sakdal, ang bahagya ay matatapos.
-
-
Sugerencias
Haga clic para leer 2 Crónicas 14-16