-
-
Tagalog - Ang Dating Biblia (1905) -
-
1
|1 Corintios 12:1|
Ngayong tungkol sa mga kaloob na ayon sa espiritu, mga kapatid, ay hindi ko ibig na hindi kayo makaalam.
-
2
|1 Corintios 12:2|
Nalalaman ninyo na nang kayo'y mga Gentil pa, ay iniligaw kayo sa mga piping diosdiosan, sa alin mang paraang pagkahatid sa inyo.
-
3
|1 Corintios 12:3|
Kaya't ipinatatalastas ko sa inyo, na wala sinomang nagsasalita sa pamamagitan ng Espiritu ng Dios ay nagsasabi, Si Jesus ay itinakwil; at wala sinoman ay makapagsasabi, Si Jesus ay Panginoon kundi sa pamamagitan ng Espiritu Santo.
-
4
|1 Corintios 12:4|
Ngayo'y may iba't ibang mga kaloob, datapuwa't iisang Espiritu.
-
5
|1 Corintios 12:5|
At may iba't ibang mga pangangasiwa, datapuwa't iisang Panginoon.
-
6
|1 Corintios 12:6|
At may iba't ibang paggawa, datapuwa't iisang Dios na gumagawa ng lahat ng mga bagay sa lahat.
-
7
|1 Corintios 12:7|
Datapuwa't sa bawa't isa ay ibinibigay ang paghahayag ng Espiritu, upang pakinabangan naman.
-
8
|1 Corintios 12:8|
Sapagka't sa isa, sa pamamagitan ng Espiritu ay ibinibigay ang salita ng karunungan; at sa iba'y ang salita ng kaalaman ayon din sa Espiritu:
-
9
|1 Corintios 12:9|
Sa iba'y ang pananampalataya, sa gayon ding Espiritu; at sa iba'y ang mga kaloob na pagpapagaling, sa iisang Espiritu.
-
10
|1 Corintios 12:10|
At sa iba'y ang mga paggawa ng mga himala; at sa iba'y hula; at sa iba'y ang pagkilala sa mga espiritu; at sa iba'y ang iba't ibang wika; at sa iba'y ang pagpapaliwanag ng mga wika.
-
-
Sugerencias
Haga clic para leer 1 Pedro 1-5