-
-
Tagalog - Ang Dating Biblia (1905) -
-
1
|1 Corintios 9:1|
Hindi baga ako'y malaya? hindi baga ako'y apostol? hindi ko baga nakita si Jesus na Panginoon natin? hindi baga kayo'y gawa ko sa Panginoon?
-
2
|1 Corintios 9:2|
Kung sa iba'y hindi ako apostol, sa inyo man lamang ako'y gayon; sapagka't ang tatak ng aking pagkaapostol ay kayo sa Panginoon.
-
3
|1 Corintios 9:3|
Ito ang aking pagsasanggalang sa mga nagsisiyasat sa akin.
-
4
|1 Corintios 9:4|
Wala baga kaming matuwid na magsikain at magsiinom?
-
5
|1 Corintios 9:5|
Wala baga kaming matuwid na magsipagsama ng isang asawa na sumasampalataya, gaya ng iba't ibang mga apostol, at ng mga kapatid ng Panginoon, at ni Cefas?
-
6
|1 Corintios 9:6|
O ako baga lamang at si Bernabe ang walang matuwid na magsitigil ng paggawa?
-
7
|1 Corintios 9:7|
Sinong kawal ang magpakailan pa man ay naglilingkod sa kaniyang sariling gugol? sino ang nagtatanim ng isang ubasan, at hindi kumakain ng bunga niyaon? o sino ang nagpapakain sa kawan, at hindi kumakain ng gatas ng kawan?
-
8
|1 Corintios 9:8|
Ang mga ito baga'y sinasalita ko ayon sa kaugalian lamang ng mga tao? o di baga sinasabi rin naman ang gayon ng kautusan?
-
9
|1 Corintios 9:9|
Sapagka't nasusulat sa kautusan ni Moises, Huwag mong lalagyan ng busal ang baka pagka gumigiik. Ang mga baka baga ay iniingatan ng Dios,
-
10
|1 Corintios 9:10|
O sinasabi kayang tunay ito dahil sa atin? Oo, dahil sa atin ito sinulat: sapagka't ang nagsasaka ay dapat magsaka sa pagasa, at ang gumigiik, ay sa pagasa na makakabahagi.
-
-
Sugerencias
Haga clic para leer Juan 16-18