-
-
Tagalog - Ang Dating Biblia (1905) -
-
5
|Lucas 20:5|
At sila'y nangagkatuwiranan, na nangagsasabi, Kung sabihin natin, Mula sa langit; ay sasabihin niya, Bakit hindi ninyo siya pinaniwalaan?
-
6
|Lucas 20:6|
Datapuwa't kung sabihin natin, Mula sa mga tao; ay babatuhin tayo ng buong bayan, sapagka't sila'y nanganiniwala na si Juan ay propeta.
-
7
|Lucas 20:7|
At sila'y nagsisagot, na hindi nila nalalaman kung saan mula.
-
8
|Lucas 20:8|
At sinabi sa kanila ni Jesus, Hindi ko rin naman sasabihin sa inyo kung sa anong kapamahalaan ginagawa ko ang mga bagay na ito.
-
9
|Lucas 20:9|
At siya'y nagpasimulang magsabi sa bayan ng talinghagang ito: Nagtanim ang isang tao ng isang ubasan, at ipinagkatiwala sa mga magsasaka, at napasa ibang lupain na mahabang panahon.
-
10
|Lucas 20:10|
At sa kapanahunan ay nagsugo siya ng isang alipin sa mga magsasaka, upang siya'y bigyan ng bunga ng ubas: datapuwa't hinampas siya ng mga magsasaka, at pinauwing walang dala.
-
11
|Lucas 20:11|
At nagsugo pa siya ng ibang alipin: at ito nama'y kanilang hinampas, at inalimura, at pinauwing walang dala.
-
12
|Lucas 20:12|
At nagsugo pa siya ng ikatlo: at kanila ring sinugatan ito, at pinalayas.
-
13
|Lucas 20:13|
At sinabi ng panginoon ng ubasan, Anong gagawin ko? aking susuguin ang minamahal kong anak; marahil siya'y igagalang nila.
-
14
|Lucas 20:14|
Datapuwa't nang makita siya ng mga magsasaka, ay nangagsangusapan sila, na sinasabi, Ito ang tagapagmana; atin siyang patayin upang ang mana ay maging atin.
-
-
Sugerencias
Haga clic para leer 1 Pedro 1-5