-
-
Tagalog - Ang Dating Biblia (1905) -
-
40
|Marcos 15:40|
At mayroon din namang mga babae na nagsisitanaw mula sa malayo: na sa mga yao'y nangaroroon kapuwa si Maria Magdalena, at si Mariang ina ni Santiago na bata at ni Jose, at si Salome;
-
41
|Marcos 15:41|
Na, nang siya'y nasa Galilea, ay nagsisunod sila sa kaniya, at siya'y pinaglilingkuran nila; at mga iba pang maraming babae na nagsiahong kasama niya sa Jerusalem.
-
42
|Marcos 15:42|
At nang kinahapunan, sapagka't noo'y Paghahanda, sa makatuwid baga'y ang araw na nauuna sa sabbath,
-
43
|Marcos 15:43|
Dumating si Jose na taga Arimatea, isang kasangguni na may marangal na kalagayan, na naghihintay rin naman ng kaharian ng Dios; at pinangahasan niyang pinasok si Pilato, at hiningi ang bangkay ni Jesus.
-
44
|Marcos 15:44|
At nanggilalas si Pilato kung siya'y patay na: at nang mapalapit niya sa kaniya ang senturion, ay itinanong niya sa kaniya kung malaon nang patay.
-
45
|Marcos 15:45|
At nang matanto niya sa senturion, ay ipinagkaloob niya ang bangkay kay Jose.
-
46
|Marcos 15:46|
At binili niya ang isang kayong lino, at pagkababa sa kaniya sa krus, ay binalot siya ng kayong lino at inilagay siya sa isang libingan na hinukay sa isang bato; at iginulong niya ang isang bato hanggang sa pintuan ng libingan.
-
47
|Marcos 15:47|
At tinitingnan ni Maria Magdalena at ni Mariang ina ni Jose kung saan siya nalagay.
-
1
|Marcos 16:1|
At nang makaraan ang sabbath, si Maria Magdalena, at si Mariang ina ni Santiago, at si Salome, ay nagsibili ng mga pabango, upang sila'y magsiparoon at siya'y pahiran.
-
2
|Marcos 16:2|
At pagkaumagang-umaga nang unang araw ng sanglinggo, ay nagsiparoon sila sa libingan nang sikat na ang araw.
-
-
Sugerencias
Haga clic para leer 1 Pedro 1-5