-
-
Afrikaans (1953) -
-
1
|1 Juan 2:1|
My kinders, ek skryf hierdie dinge aan julle, dat julle nie moet sondig nie; en as iemand gesondig het, ons het 'n Voorspraak by die Vader, Jesus Christus, die Regverdige.
-
2
|1 Juan 2:2|
En Hy is 'n versoening vir ons sondes, en nie alleen vir ons s'n nie, maar ook vir dié van die hele wêreld.
-
3
|1 Juan 2:3|
En hieraan weet ons dat ons Hom ken: as ons sy gebooie bewaar.
-
4
|1 Juan 2:4|
Hy wat sê: Ek ken Hom, en sy gebooie nie bewaar nie, is 'n leuenaar en in hom is die waarheid nie.
-
5
|1 Juan 2:5|
Maar elkeen wat sy woord bewaar, in hom het die liefde van God waarlik volmaak geword. Hieraan weet ons dat ons in Hom is.
-
6
|1 Juan 2:6|
Hy wat sê dat hy in Hom bly, behoort self ook so te wandel soos Hy gewandel het.
-
7
|1 Juan 2:7|
Broeders, dit is geen nuwe gebod wat ek aan julle skryf nie, maar 'n ou gebod wat julle van die begin af gehad het. Die ou gebod is die woord wat julle van die begin af gehoor het.
-
8
|1 Juan 2:8|
En tog skryf ek aan julle 'n nuwe gebod wat waar is in Hom en in julle, want die duisternis gaan verby en die waaragtige lig skyn alreeds.
-
9
|1 Juan 2:9|
Hy wat sê dat hy in die lig is en sy broeder haat, is in die duisternis tot nou toe.
-
10
|1 Juan 2:10|
Wie sy broeder liefhet, bly in die lig, en in hom is geen oorsaak van struikeling nie.
-
-
Sugerencias
Haga clic para leer Job 3-5