-
-
Afrikaans (1953) -
-
1
|1 Juan 4:1|
Geliefdes, glo nie elke gees nie, maar stel die geeste op die proef of hulle uit God is, want baie valse profete het in die wêreld uitgegaan.
-
2
|1 Juan 4:2|
Hieraan ken julle die Gees van God: elke gees wat bely dat Jesus Christus in die vlees gekom het, is uit God;
-
3
|1 Juan 4:3|
en elke gees wat nie bely dat Jesus Christus in die vlees gekom het nie, is nie uit God nie; en dit is die gees van die Antichris waarvan julle gehoor het dat hy kom, en hy is nou al in die wêreld.
-
4
|1 Juan 4:4|
Julle is uit God, my kinders, en het hulle oorwin, omdat Hy wat in julle is, groter is as hy wat in die wêreld is.
-
5
|1 Juan 4:5|
Hulle is uit die wêreld; daarom praat hulle uit die wêreld, en die wêreld luister na hulle.
-
6
|1 Juan 4:6|
Ons is uit God; hy wat God ken, luister na ons; hy wat nie uit God is nie, luister nie na ons nie. Hieruit ken ons die Gees van die waarheid en die gees van die dwaling.
-
7
|1 Juan 4:7|
Geliefdes, laat ons mekaar liefhê; want die liefde is uit God, en elkeen wat liefhet, is uit God gebore en ken God.
-
8
|1 Juan 4:8|
Hy wat nie liefhet nie, het God nie geken nie, want God is liefde.
-
9
|1 Juan 4:9|
Hierin is die liefde van God tot ons geopenbaar, dat God sy eniggebore Seun in die wêreld gestuur het, sodat ons deur Hom kan lewe.
-
10
|1 Juan 4:10|
Hierin is die liefde: nie dat ons God liefgehad het nie, maar dat Hy ons liefgehad het en sy Seun gestuur het as 'n versoening vir ons sondes.
-
-
Sugerencias
Haga clic para leer Proverbios 12-15