-
-
Afrikaans (1953) -
-
1
|1 Juan 5:1|
Elkeen wat glo dat Jesus die Christus is, is uit God gebore; en elkeen wat die Vader liefhet, het ook die een lief wat uit Hom gebore is.
-
2
|1 Juan 5:2|
Hieraan weet ons dat ons die kinders van God liefhet: wanneer ons God liefhet en sy gebooie bewaar.
-
3
|1 Juan 5:3|
Want dit is die liefde tot God, dat ons sy gebooie bewaar; en sy gebooie is nie swaar nie.
-
4
|1 Juan 5:4|
Want alles wat uit God gebore is, oorwin die wêreld; en dit is die oorwinning wat die wêreld oorwin het, naamlik ons geloof.
-
5
|1 Juan 5:5|
Wie anders is dit wat die wêreld oorwin as hy wat glo dat Jesus die Seun van God is?
-
6
|1 Juan 5:6|
Dit is Hy wat deur water en bloed gekom het, Jesus die Christus; nie deur die water alleen nie, maar deur die water en die bloed; en dit is die Gees wat getuig, want die Gees is die waarheid.
-
7
|1 Juan 5:7|
Want daar is drie wat getuig in die hemel: die Vader, die Woord en die Heilige Gees, en hierdie drie is een;
-
8
|1 Juan 5:8|
en daar is drie wat getuig op die aarde: die Gees en die water en die bloed, en die drie is eenstemmig.
-
9
|1 Juan 5:9|
As ons die getuienis van die mense aanneem--die getuienis van God is groter, omdat dit die getuienis is van God wat Hy aangaande sy Seun getuig het.
-
10
|1 Juan 5:10|
Wie in die Seun van God glo, het die getuienis in homself. Hy wat God nie glo nie, het Hom tot leuenaar gemaak, omdat hy die getuienis nie geglo het wat God aangaande sy Seun getuig het nie.
-
-
Sugerencias
Haga clic para leer Job 3-5