-
-
Afrikaans (1953) -
-
21
|1 Reyes 12:21|
En toe Rehábeam in Jerusalem kom, het hy die hele huis van Juda en die stam van Benjamin, honderd en tagtig duisend strydbare jong manskappe, vergader om oorlog te voer teen die huis van Israel, om die koningskap vir Rehábeam, die seun van Salomo, terug te win.
-
22
|1 Reyes 12:22|
Maar die woord van God het tot Semája, die man van God, gekom en gesê:
-
23
|1 Reyes 12:23|
Spreek met Rehábeam, die seun van Salomo, die koning van Juda, en met die hele huis van Juda en Benjamin en die orige deel van die volk en sê:
-
24
|1 Reyes 12:24|
So spreek die HERE: Julle mag nie optrek en teen julle broers, die kinders van Israel, oorlog voer nie; julle moet omdraai, elkeen na sy huis; want van My het hierdie saak gekom. Hulle het toe geluister na die woord van die HERE en weer teruggetrek volgens die woord van die HERE.
-
25
|1 Reyes 12:25|
En Jeróbeam het Sigem op die gebergte van Efraim gebou en daarin gewoon, en daarvandaan uitgetrek en Pnuel gebou.
-
26
|1 Reyes 12:26|
En Jeróbeam het in sy hart gesê: Nou sal die koningskap na die huis van Dawid terugkeer:
-
27
|1 Reyes 12:27|
as hierdie volk opgaan om offers te bring in die huis van die HERE in Jerusalem, dan sal die hart van hierdie volk terugkeer na hulle heer, na Rehábeam, die koning van Juda, en hulle sal my om die lewe bring en teruggaan na Rehábeam, die koning van Juda.
-
28
|1 Reyes 12:28|
Daarom het die koning raad gehou en twee goue kalwers gemaak en aan hulle gesê: Julle het lank genoeg opgegaan na Jerusalem--hier is, o Israel, jou gode wat jou uit Egipteland laat optrek het!
-
29
|1 Reyes 12:29|
En die een het hy in Bet-el opgerig en die ander in Dan opgestel.
-
30
|1 Reyes 12:30|
En hierdie saak het tot sonde geword; ja, die volk het voor die een gaan aanbid tot by Dan.
-
-
Sugerencias
Haga clic para leer Job 8-10