-
-
Afrikaans (1953) -
-
1
|1 Reyes 17:1|
En Elía, die Tisbiet, uit Tisbe in Gílead, het vir Agab gesê: So waar as die HERE, die God van Israel, leef, voor wie se aangesig ek staan, daar sal geen dou of reën in hierdie jare wees nie, behalwe op my woord!
-
2
|1 Reyes 17:2|
Toe kom die woord van die HERE tot hom en sê:
-
3
|1 Reyes 17:3|
Gaan hiervandaan weg en draai jou na die ooste toe en steek jou weg by die spruit Krit wat oos van die Jordaan is;
-
4
|1 Reyes 17:4|
en jy moet uit die spruit drink, en Ek het aan die kraaie bevel gegee om jou daar te onderhou.
-
5
|1 Reyes 17:5|
En hy het gegaan en gehandel volgens die woord van die HERE: hy het gaan bly by die spruit Krit wat oos van die Jordaan is.
-
6
|1 Reyes 17:6|
En die kraaie het vir hom smôrens brood en vleis gebring, en saans brood en vleis, en hy het uit die spruit gedrink.
-
7
|1 Reyes 17:7|
Maar ná verloop van tyd het die spruit opgedroog, want daar was geen reën in die land nie.
-
8
|1 Reyes 17:8|
Toe kom die woord van die HERE tot hom en sê:
-
9
|1 Reyes 17:9|
Maak jou klaar, gaan na Sarfat wat by Sidon is, en bly daar; kyk, daar het Ek aan 'n weduwee bevel gegee om jou te onderhou.
-
10
|1 Reyes 17:10|
Daarop het hy hom gereedgemaak en na Sarfat gegaan; en toe hy by die ingang van die stad kom, was 'n weduwee juis besig om daar houtjies bymekaar te maak. En hy roep haar en sê: Gaan haal tog vir my 'n bietjie water in die kan, dat ek kan drink.
-
-
Sugerencias
Haga clic para leer Éxodo 5-8