-
-
Afrikaans (1953) -
-
1
|1 Reyes 18:1|
En geruime tyd daarna het die woord van die HERE in die derde jaar tot Elía gekom en gesê: Gaan heen, vertoon jou aan Agab, dan wil Ek reën gee op die aarde.
-
2
|1 Reyes 18:2|
En Elía het gegaan om hom aan Agab te vertoon. En die hongersnood was swaar in Samaría.
-
3
|1 Reyes 18:3|
Toe laat Agab Obádja, wat oor die paleis was, roep. En Obádja het die HERE baie gevrees.
-
4
|1 Reyes 18:4|
Want toe Isébel die profete van die HERE uitgeroei het, het Obádja honderd profete geneem en hulle vyftig by vyftig man in 'n spelonk weggesteek en hulle met brood en water onderhou.
-
5
|1 Reyes 18:5|
En Agab het vir Obádja gesê: Trek deur die land na al die waterfonteine en na al die spruite; miskien sal ons gras kry, sodat ons die perde en muile in die lewe kan hou en van die vee nie hoef uit te roei nie.
-
6
|1 Reyes 18:6|
En hulle het die land onder mekaar verdeel om dit deur te trek: Agab het afsonderlik met een pad getrek, en Obádja het afsonderlik met 'n ander pad getrek.
-
7
|1 Reyes 18:7|
Terwyl Obádja op pad was, kom Elía hom meteens tegemoet; en toe hy hom herken, val hy op sy aangesig en vra: Is dit u, my heer Elía?
-
8
|1 Reyes 18:8|
En hy sê: Dit is ek; gaan sê aan jou heer: Elía is daar.
-
9
|1 Reyes 18:9|
Maar hy vra: Wat het ek gesondig, dat u u dienaar oorgee in die hand van Agab om my om die lewe te bring?
-
10
|1 Reyes 18:10|
So waar as die HERE u God leef, daar is geen nasie of koninkryk waar my heer nie heen gestuur het om u te soek nie; en as hulle sê: Hy is nie hier nie--dan laat hy die koninkryk en die nasie sweer dat hulle u nie kon vind nie.
-
-
Sugerencias
Haga clic para leer Job 3-5