-
-
Afrikaans (1953) -
-
1
|1 Reyes 20:1|
En Bénhadad, die koning van Aram, het sy hele leër versamel--twee en dertig konings was saam met hom, met perde en strydwaens--en opgetrek en Samaría beleër en daarteen geveg.
-
2
|1 Reyes 20:2|
Ook het hy boodskappers na Agab, die koning van Israel, gestuur in die stad
-
3
|1 Reyes 20:3|
en hom laat weet: So sê Bénhadad: U silwer en u goud, dit is myne; en u mooiste vroue en kinders, hulle is myne.
-
4
|1 Reyes 20:4|
Toe antwoord die koning van Israel en sê: Volgens u woord, my heer die koning, ek is uwe met alles wat ek het!
-
5
|1 Reyes 20:5|
Daarop kom die boodskappers weer en sê: So spreek Bénhadad: Ek het u wel laat weet: U silwer en u goud en u vroue en u kinders moet u aan my gee.
-
6
|1 Reyes 20:6|
Maar môre sulke tyd sal ek my dienaars na u stuur, dat hulle u huis en die huise van u dienaars deursoek; en hulle sal alles wat begeerlik is in u oë, in hulle hand lê en wegneem.
-
7
|1 Reyes 20:7|
Toe roep die koning van Israel al die oudstes van die land en sê: Let tog op en kyk hoe die man moeilikheid soek, want hy het na my gestuur om my vroue en my kinders en my silwer en my goud te laat haal, en ek het dit hom nie geweier nie.
-
8
|1 Reyes 20:8|
Maar al die oudstes en die hele volk antwoord hom: Luister nie, en u mag nie inwillig nie.
-
9
|1 Reyes 20:9|
Daarom het hy aan die boodskappers van Bénhadad gesê: Sê aan my heer die koning: Alles wat u die eerste keer u dienaar laat weet het, sal ek doen; maar hierdie ding kan ek nie doen nie. En die boodskappers het weggegaan en hom antwoord gebring.
-
10
|1 Reyes 20:10|
Daarop laat Bénhadad hom weet: Mag die gode so aan my doen en so daaraan toedoen--die puin van Samaría is nie genoeg vir die holle hande van al die manskappe wat my voetstappe volg nie!
-
-
Sugerencias
Haga clic para leer Éxodo 39-40