-
-
Afrikaans (1953) -
-
11
|1 Reyes 1:11|
Toe sê Natan vir Bátseba, die moeder van Salomo: Het u nie gehoor dat Adónia, die seun van Haggit, koning geword het sonder dat ons heer Dawid dit weet nie?
-
12
|1 Reyes 1:12|
Kom dan nou, laat ek u tog 'n raad gee, dat u u lewe en die lewe van u seun Salomo kan red.
-
13
|1 Reyes 1:13|
Gaan en tree binne by koning Dawid en sê vir hom: Het ú nie, my heer die koning, vir u dienares gesweer en gesê nie: U seun Salomo sal sekerlik koning word ná my, en hy sal op my troon sit? Waarom het Adónia dan koning geword?
-
14
|1 Reyes 1:14|
Kyk, terwyl u daar nog met die koning spreek, sal ék agter u inkom en u woorde aanvul.
-
15
|1 Reyes 1:15|
Daarop het Bátseba ingegaan na die koning in die kamer, terwyl die koning baie oud was en Abísag, die Sunamitiese, die koning bedien.
-
16
|1 Reyes 1:16|
En Bátseba het gebuig en neergeval voor die koning. Toe sê die koning: Wat wil u hê?
-
17
|1 Reyes 1:17|
En sy antwoord hom: My heer, ú het by die HERE u God vir u dienares gesweer: U seun Salomo sal sekerlik ná my koning word, en hy sal op my troon sit.
-
18
|1 Reyes 1:18|
Maar kyk, nou het Adónia koning geword sonder dat u, my heer die koning, dit weet.
-
19
|1 Reyes 1:19|
Want hy het beeste en vetgemaakte vee en kleinvee in menigte geslag en al die seuns van die koning en Abjatar, die priester, en Joab, die leërowerste, genooi; maar u dienaar Salomo het hy nie genooi nie.
-
20
|1 Reyes 1:20|
Maar op ú, my heer die koning, is die oë van die hele Israel om hulle te kenne te gee wie op die troon van my heer die koning ná hom sal sit.
-
-
Sugerencias
Haga clic para leer Job 8-10