-
-
Afrikaans (1953) -
-
11
|1 Reyes 21:11|
Die manne van sy stad, die oudstes en die edeles wat in sy stad gewoon het, maak toe soos Isébel hulle laat weet het, soos geskrywe was in die briewe wat sy aan hulle gestuur het.
-
12
|1 Reyes 21:12|
Hulle het 'n vasdag uitgeroep en Nabot vooraan onder die volk gesit.
-
13
|1 Reyes 21:13|
Toe kom die twee manne, deugniete, en gaan sit teenoor hom; en die deugniete het teen hom, teen Nabot, voor die volk getuig en gesê: Nabot het God en die koning gevloek. Daarop lei hulle hom buitekant die stad uit en stenig hom, sodat hy gesterf het.
-
14
|1 Reyes 21:14|
Daarna laat hulle Isébel weet: Nabot is gestenig en is dood.
-
15
|1 Reyes 21:15|
Net toe Isébel hoor dat Nabot gestenig en dood was, sê Isébel vir Agab: Staan op, neem die wingerd van Nabot, die Jisreëliet, in besit wat hy geweier het om vir geld aan jou te gee; want Nabot leef nie, maar is dood.
-
16
|1 Reyes 21:16|
Net toe Agab hoor dat Nabot dood was, het Agab opgestaan om na die wingerd van Nabot, die Jisreëliet, af te gaan om dit in besit te neem.
-
17
|1 Reyes 21:17|
Maar die woord van die HERE het tot Elía, die Tisbiet, gekom en gesê:
-
18
|1 Reyes 21:18|
Maak jou klaar, gaan af Agab, die koning van Israel, wat in Samaría is, tegemoet; kyk, hy is in die wingerd van Nabot, waarheen hy afgegaan het om dit in besit te neem.
-
19
|1 Reyes 21:19|
En jy moet met hom spreek en sê: So sê die HERE: Het jy doodgeslaan en ook in besit geneem? Verder moet jy met hom spreek en sê: So spreek die HERE: Op die plek waar die honde die bloed van Nabot gelek het, sal die honde ook jou eie bloed lek.
-
20
|1 Reyes 21:20|
Daarop sê Agab vir Elía: Het jy my gekry, my vyand? En hy antwoord: Ek het u gekry, omdat u uself verkoop het om te doen wat verkeerd is in die oë van die HERE!
-
-
Sugerencias
Haga clic para leer 1 Pedro 1-5