-
-
Afrikaans (1953) -
-
11
|1 Reyes 2:11|
En die dae wat Dawid oor Israel geregeer het, was veertig jaar; in Hebron het hy sewe jaar geregeer, en in Jerusalem het hy drie en dertig jaar geregeer.
-
12
|1 Reyes 2:12|
Daarna het Salomo op die troon van sy vader Dawid gaan sit, en sy koningskap is goed bevestig.
-
13
|1 Reyes 2:13|
Toe kom Adónia, die seun van Haggit, na Bátseba, die moeder van Salomo, en sy vra: Is jou koms vrede? En hy antwoord: Vrede.
-
14
|1 Reyes 2:14|
Verder sê hy: Ek het 'n woord vir u. En sy antwoord: Spreek.
-
15
|1 Reyes 2:15|
En hy sê: U weet dat die koningskap myne was en die hele Israel sy aangesig op my gerig het, dat ek koning sou word; maar die koningskap het oorgegaan en my broer s'n geword, want deur die HERE was dit vir hom bestem.
-
16
|1 Reyes 2:16|
En nou doen ek een versoek aan u; wys my nie af nie. En sy antwoord hom: Spreek.
-
17
|1 Reyes 2:17|
Toe sê hy: Spreek tog met koning Salomo, want hy sal u nie afwys nie, dat hy Abísag, die Sunamitiese, aan my as vrou moet gee.
-
18
|1 Reyes 2:18|
En Bátseba sê: Goed, ék sal met die koning oor jou spreek.
-
19
|1 Reyes 2:19|
Toe Bátseba dan ingaan na koning Salomo om met hom oor Adónia te spreek, het die koning opgestaan om haar te ontmoet en voor haar gebuig; daarna het hy op sy troon gaan sit en vir die moeder van die koning 'n stoel laat neersit, en sy het aan sy regterhand plaas geneem.
-
20
|1 Reyes 2:20|
Toe sê sy: Een klein versoek doen ek aan u; wys my nie af nie. En die koning antwoord haar: Vra, my moeder, want ek sal u nie afwys nie.
-
-
Sugerencias
Haga clic para leer Jueces 1-3