-
-
Afrikaans (1953) -
-
11
|1 Reyes 7:11|
En daar bo-op was kosbare klippe, volgens die maat van gekapte klip, en sederhout.
-
12
|1 Reyes 7:12|
En die groot voorhof was rondom van drie lae gekapte klip en 'n laag sederbalke, net soos by die binneste voorhof van die huis van die HERE en by die saal van die paleis.
-
13
|1 Reyes 7:13|
En koning Salomo het Hiram uit Tirus laat haal.
-
14
|1 Reyes 7:14|
Hy was die seun van 'n weduvrou uit die stam van Náftali, en sy vader was 'n man van Tirus, 'n kopersmid; en hy was vol wysheid en verstand en kennis om allerhande werk in koper te maak. Hy het toe by koning Salomo gekom en al sy werk uitgevoer.
-
15
|1 Reyes 7:15|
Hy het naamlik die twee pilare van koper gevorm; agttien el was die hoogte van die een pilaar, en 'n lyn van twaalf el kon die tweede pilaar omspan.
-
16
|1 Reyes 7:16|
En hy het twee kapitele gemaak om op die toppe van die pilare te sit, gietwerk van koper; vyf el was die hoogte van die een kapiteel, en vyf el was die hoogte van die ander kapiteel.
-
17
|1 Reyes 7:17|
Daar was vlegwerke--die maaksel van die vlegwerk was gedraaide drade, 'n maaksel van kettinkies--vir die kapitele op die top van die pilare; sewe vir die een kapiteel en sewe vir die ander kapiteel.
-
18
|1 Reyes 7:18|
Verder het hy die granaatjies gemaak, naamlik twee rye rondom oor die een vlegwerk, om die kapitele op die top van die pilare te bedek; en net so het hy vir die ander kapiteel gemaak.
-
19
|1 Reyes 7:19|
En die kapitele op die top van die pilare aan die voorportaal was vier el, lelievormig,
-
20
|1 Reyes 7:20|
naamlik die kapitele op die twee pilare bo-aan, verby die vlegwerk wat vlak op die bol was. En die granaatjies was twee honderd, in rye rondom, ook oor die tweede kapiteel.
-
-
Sugerencias
Haga clic para leer Job 8-10