-
-
Afrikaans (1953) -
-
16
|1 Reyes 18:16|
En Obádja het Agab tegemoetgegaan en hom dit meegedeel; en Agab het Elía tegemoetgegaan.
-
17
|1 Reyes 18:17|
En net toe Agab Elía sien, vra Agab vir hom: Is dit jy, jou beroerder van Israel?
-
18
|1 Reyes 18:18|
Toe sê hy: Ek het Israel nie in beroering gebring nie, maar u en u familie, deurdat u die gebooie van die HERE verlaat het en agter die Baäls aan geloop het.
-
19
|1 Reyes 18:19|
Stuur dan nou, laat die hele Israel by my bymekaarkom op die berg Karmel, ook die vier honderd en vyftig profete van Baäl en die vier honderd profete van Asjéra wat aan die tafel van Isébel eet.
-
20
|1 Reyes 18:20|
En Agab het gestuur onder al die kinders van Israel en die profete op die berg Karmel bymekaar laat kom.
-
21
|1 Reyes 18:21|
En Elía het nader gekom na die hele volk en gesê: Hoe lank hink julle op twee gedagtes? As die HERE God is, volg Hom na; en as Baäl dit is, volg hom na! Maar die volk het hom niks geantwoord nie.
-
22
|1 Reyes 18:22|
Toe sê Elía vir die volk: Ek het alleen oorgebly as profeet van die HERE, terwyl die profete van Baäl vier honderd en vyftig is.
-
23
|1 Reyes 18:23|
Maar laat hulle vir ons twee bulle gee; dan kan hulle vir hul een bul uitkies en dit in stukke verdeel en op die hout sit, maar sonder om vuur te maak; en ék sal die ander bul gereedmaak en op die hout sit, maar ek sal geen vuur maak nie.
-
24
|1 Reyes 18:24|
Roep julle dan die naam van julle god aan, en ék sal die Naam van die HERE aanroep; en die God wat met vuur antwoord, Hy sal God wees. En die hele volk het geantwoord en gesê: Die woord is goed.
-
25
|1 Reyes 18:25|
Verder het Elía aan die profete van Baäl gesê: Kies vir julle een bul uit en maak dit eerste gereed, want julle is die meeste; en roep die naam van julle god aan, maar julle mag geen vuur maak nie.
-
-
Sugerencias
Haga clic para leer Job 18-19