-
-
Afrikaans (1953) -
-
1
|1 Timoteo 6:1|
Almal wat diensknegte is onder 'n juk, moet hulle eie here alle eer waardig ag, sodat die Naam van God en die leer nie belaster mag word nie.
-
2
|1 Timoteo 6:2|
En die wat gelowige here het, moet hulle nie verag omdat hulle broeders is nie, maar moet hulle des te meer dien, omdat hulle wat die weldade ontvang, gelowiges en geliefdes is. Leer hierdie dinge en wek daartoe op.
-
3
|1 Timoteo 6:3|
As iemand iets anders leer en nie instem met die gesonde woorde van onse Here Jesus Christus en met die leer wat volgens die godsaligheid is nie,
-
4
|1 Timoteo 6:4|
dié is verwaand en verstaan niks nie, maar het 'n sieklike sug na twisvrae en woordestryd waaruit ontstaan afguns, twis, lasteringe, bose agterdog,
-
5
|1 Timoteo 6:5|
nuttelose stryery van mense wat verdorwe in hulle verstand en van die waarheid beroof is en dink dat die godsaligheid winsgewend is. Onttrek jou aan sulke mense.
-
6
|1 Timoteo 6:6|
Maar die godsaligheid saam met vergenoegdheid is 'n groot wins.
-
7
|1 Timoteo 6:7|
Want ons het niks in die wêreld ingebring nie; dit is duidelik dat ons ook niks daaruit kan wegdra nie.
-
8
|1 Timoteo 6:8|
Maar as ons voedsel en klere het, moet ons daarmee vergenoeg wees.
-
9
|1 Timoteo 6:9|
Maar die wat ryk wil word, val in versoeking en strikke en baie dwase en skadelike begeerlikhede wat die mense laat wegsink in verderf en ondergang.
-
10
|1 Timoteo 6:10|
Want die geldgierigheid is 'n wortel van alle euwels; en omdat sommige dit begeer, het hulle afgedwaal van die geloof en hulleself met baie smarte deurboor.
-
-
Sugerencias
Haga clic para leer 2 Crónicas 10-13