-
Leer por capítulos:
-
Afrikaans (1953) -
-
1
|Hechos 18:1|
En daarna het Paulus uit Athéne vertrek en in Korinthe gekom.
-
2
|Hechos 18:2|
En hy het 'n Jood gevind met die naam van Aquila, afkomstig uit Pontus, wat onlangs met sy vrou Priscílla van Italië gekom het, omdat Claudius beveel het dat al die Jode uit Rome moes vertrek. Na hulle toe het hy gegaan;
-
3
|Hechos 18:3|
en omdat hy van dieselfde ambag was, het hy by hulle gebly en gewerk, want hulle was tentmakers van ambag.
-
4
|Hechos 18:4|
En hy het elke sabbat in die sinagoge gespreek en Jode sowel as Grieke oortuig.
-
5
|Hechos 18:5|
En toe Silas en Timótheüs van Macedónië afgekom het, was Paulus ywerig besig om aan die Jode kragtig te betuig dat Jesus die Christus is.
-
6
|Hechos 18:6|
Maar toe hulle aanhou om teëstand te bied en godslasterlike dinge te spreek, het hy sy klere uitgeskud en vir hulle gesê: Julle bloed is op julle hoof. Ek is rein. Van nou af sal ek na die heidene gaan.
-
7
|Hechos 18:7|
En hy het daarvandaan weggegaan en in die huis gekom van iemand met die naam van Justus, wat 'n godvresende man was, wie se huis naasaan die sinagoge gestaan het.
-
8
|Hechos 18:8|
En Crispus, die hoof van die sinagoge, het met sy hele huisgesin in die Here geglo; en ook baie van die Korinthiërs het, toe hulle hom hoor, gelowig geword en is gedoop.
-
9
|Hechos 18:9|
En die Here het deur 'n gesig in die nag aan Paulus gesê: Wees nie bevrees nie, maar spreek en moenie swyg nie;
-
10
|Hechos 18:10|
want Ek is met jou, en niemand sal die hand aan jou slaan om jou kwaad aan te doen nie, want Ek het baie mense in hierdie stad.
-
-
Sugerencias
Haga clic para leer 2 Crónicas 10-13