-
Leer por capítulos:
-
Afrikaans (1953) -
-
1
|Hechos 3:1|
En Petrus en Johannes het saam na die tempel opgegaan op die uur van die gebed, die negende uur.
-
2
|Hechos 3:2|
En daar is 'n sekere man aangedra wat van sy geboorte af kreupel was; hulle het hom elke dag neergesit by die tempelpoort wat die Skone genoem word, om 'n aalmoes te vra van die wat in die tempel ingaan.
-
3
|Hechos 3:3|
Toe hy sien dat Petrus en Johannes die tempel wou binnegaan, het hy om 'n aalmoes gevra.
-
4
|Hechos 3:4|
En Petrus saam met Johannes het hom stip aangekyk en gesê: Kyk na ons.
-
5
|Hechos 3:5|
En hy het sy oë op hulle gehou in die verwagting dat hy iets van hulle sou ontvang.
-
6
|Hechos 3:6|
Maar Petrus sê: Silwer en goud het ek nie; maar wat ek het, dit gee ek vir jou: In die Naam van Jesus Christus, die Nasaréner, staan op en loop!
-
7
|Hechos 3:7|
Toe gryp hy hom aan sy regterhand en rig hom op, en onmiddellik het sy voete en enkels sterk geword.
-
8
|Hechos 3:8|
En hy het opgespring en gestaan en rondgeloop en saam met hulle in die tempel ingegaan terwyl hy rondloop en spring en God prys.
-
9
|Hechos 3:9|
En die hele volk het gesien hoe hy daar loop en God prys.
-
10
|Hechos 3:10|
En hulle het hom herken, dat dit hy was wat by die Skone Poort van die tempel gesit het om te bedel, en hulle is vervul met verwondering en verbasing oor wat met hom gebeur het.
-
-
Sugerencias
Haga clic para leer 2 Corintios 5-7