-
Leer por capítulos:
-
Afrikaans (1953) -
-
1
|Éxodo 15:1|
Toe het Moses en die kinders van Israel hierdie lied tot eer van die HERE gesing; en dit is wat hulle gesê het: Ek wil sing tot eer van die HERE, want Hy is hoog verhewe. Die perd en sy ruiter het Hy in die see gewerp.
-
2
|Éxodo 15:2|
Die HERE is my krag en my psalm, en Hy het my tot heil geword. Hy is my God, Hom sal ek roem; die God van my vader, Hom sal ek verhef.
-
3
|Éxodo 15:3|
Die HERE is 'n krygsman; HERE is sy naam.
-
4
|Éxodo 15:4|
Hy het Farao se strydwaens en sy leërmag in die see gewerp. En sy beste vegsmanne het in die Skelfsee gesink.
-
5
|Éxodo 15:5|
Die watervloede het hulle oordek. Hulle het in die kolke gesink soos 'n klip.
-
6
|Éxodo 15:6|
o HERE, u regterhand is verheerlik deur krag. U regterhand, o HERE, verpletter die vyand.
-
7
|Éxodo 15:7|
En in u grote hoogheid werp U diegene neer wat teen U opstaan. U stuur u toorngloed uit: dit verteer hulle soos 'n stoppel.
-
8
|Éxodo 15:8|
En deur die geblaas van u neus het die waters hulle opgestapel, die strome het bly staan soos 'n wal, die watervloede het styf geword in die hart van die see.
-
9
|Éxodo 15:9|
Die vyand het gesê: Ek sal agtervolg, inhaal, buit verdeel, my begeerte sal versadig word van hulle; ek sal my swaard trek, my hand sal hulle uitroei.
-
10
|Éxodo 15:10|
U het met u asem geblaas: die see het hulle oordek; soos lood het hulle gesink in die geweldige waters.
-
-
Sugerencias
Haga clic para leer Números 15-16