-
-
Afrikaans (1953) -
-
1
|Gálatas 6:1|
Broeders, as iemand ewenwel deur een of ander misdaad oorval word, moet julle wat geestelik is, so een reghelp met die gees van sagmoedigheid, terwyl jy op jouself let, dat jy ook nie versoek word nie.
-
2
|Gálatas 6:2|
Dra mekaar se laste en vervul so die wet van Christus.
-
3
|Gálatas 6:3|
Want as iemand meen dat hy iets is, terwyl hy niks is nie, mislei hy homself.
-
4
|Gálatas 6:4|
Maar laat elkeen sy eie werk op die proef stel; en dan sal hy grond vir roem hê alleen wat homself betref en nie wat die ander betref nie.
-
5
|Gálatas 6:5|
Want elkeen sal sy eie pak dra.
-
6
|Gálatas 6:6|
Maar laat hom wat in die Woord onderwys ontvang, meedeel van alle goeie dinge aan hom wat onderwys gee.
-
7
|Gálatas 6:7|
Moenie dwaal nie; God laat Hom nie bespot nie; want net wat die mens saai, dit sal hy ook maai.
-
8
|Gálatas 6:8|
Hy wat in sy vlees saai, sal uit die vlees verderf maai; maar hy wat in die Gees saai, sal uit die Gees die ewige lewe maai.
-
9
|Gálatas 6:9|
En laat ons nie moeg word om goed te doen nie, want op die regte tyd sal ons maai as ons nie verslap nie.
-
10
|Gálatas 6:10|
Laat ons dan, terwyl ons geleentheid het, aan almal goed doen, maar die meeste aan die huisgenote van die geloof.
-
-
Sugerencias
Haga clic para leer Job 3-5