-
-
Afrikaans (1953) -
-
14
|Juan 5:14|
Daarna het Jesus hom in die tempel gekry en vir hom gesê: Kyk, jy het gesond geword; moenie meer sondig nie, sodat daar nie iets ergers met jou gebeur nie.
-
15
|Juan 5:15|
Die man het gegaan en aan die Jode vertel dat dit Jesus was wat hom gesond gemaak het.
-
16
|Juan 5:16|
En hieroor het die Jode Jesus vervolg en probeer om Hom dood te maak, omdat Hy dit op die sabbat gedoen het.
-
17
|Juan 5:17|
En Jesus het hulle geantwoord: My Vader werk tot nou toe, en Ek werk ook.
-
18
|Juan 5:18|
Hieroor het die Jode toe nog meer probeer om Hom dood te maak, omdat Hy nie alleen die sabbat gebreek het nie, maar ook God sy eie Vader genoem het en Hom met God gelykgestel het.
-
19
|Juan 5:19|
Jesus het toe geantwoord en vir hulle gesê: Voorwaar, voorwaar Ek sê vir julle, die Seun kan niks uit Homself doen tensy Hy die Vader dit sien doen nie. Want alles wat Hy doen, dit doen die Seun ook net so.
-
20
|Juan 5:20|
Want die Vader het die Seun lief en toon Hom alles wat Hy self doen. En groter werke as hierdie sal Hy Hom toon, sodat julle verwonderd kan wees.
-
21
|Juan 5:21|
Want soos die Vader die dode opwek en lewend maak, so maak ook die Seun lewend wie Hy wil.
-
22
|Juan 5:22|
Want die Vader oordeel ook niemand nie, maar het die hele oordeel aan die Seun gegee,
-
23
|Juan 5:23|
sodat almal die Seun kan eer net soos hulle die Vader eer. Wie die Seun nie eer nie, eer nie die Vader wat Hom gestuur het nie.
-
-
Sugerencias
Haga clic para leer 1 Corintios 5-7