-
-
Afrikaans (1953) -
-
15
|Juan 15:15|
Ek noem julle nie meer diensknegte nie, omdat die dienskneg nie weet wat sy heer doen nie. Maar Ek het julle vriende genoem, omdat Ek alles wat Ek van my Vader gehoor het, aan julle bekend gemaak het.
-
16
|Juan 15:16|
Julle het My nie uitverkies nie, maar Ek het julle uitverkies en julle aangestel om vrug te gaan dra en dat julle vrug kan bly, sodat wat julle die Vader ook al in my Naam vra, Hy julle dit kan gee.
-
17
|Juan 15:17|
Dit gebied Ek julle, dat julle mekaar moet liefhê.
-
18
|Juan 15:18|
As die wêreld julle haat, moet julle weet dat hy My voor julle gehaat het.
-
19
|Juan 15:19|
As julle van die wêreld was, sou die wêreld sy eiendom liefhê. Maar omdat julle nie van die wêreld is nie, maar Ek julle uit die wêreld uitverkies het, daarom haat die wêreld julle.
-
20
|Juan 15:20|
Onthou die woord wat Ek vir julle gesê het: 'n Dienskneg is nie groter as sy heer nie. As hulle My vervolg het, sal hulle jul ook vervolg. As hulle my woord bewaar het, sal hulle jul woord ook bewaar.
-
21
|Juan 15:21|
Maar al hierdie dinge sal hulle aan julle doen ter wille van my Naam, omdat hulle Hom nie ken wat My gestuur het nie.
-
22
|Juan 15:22|
As Ek nie gekom en met hulle gespreek het nie, sou hulle geen sonde hê nie; maar nou het hulle geen verskoning vir hul sonde nie.
-
23
|Juan 15:23|
Wie my haat, haat ook my Vader.
-
24
|Juan 15:24|
As Ek nie die werke onder hulle gedoen het wat niemand anders gedoen het nie, sou hulle geen sonde hê nie. Maar nou het hulle dit gesien, en tog het hulle My sowel as my Vader gehaat.
-
-
Sugerencias
Haga clic para leer Job 18-19