-
Leer por capítulos:
-
Afrikaans (1953) -
-
1
|Levítico 25:1|
Verder het die HERE met Moses gespreek by die berg Sinai en gesê:
-
2
|Levítico 25:2|
Spreek met die kinders van Israel en sê vir hulle: As julle in die land inkom wat Ek julle gee, moet die land 'n sabbat hou vir die HERE.
-
3
|Levítico 25:3|
Ses jaar lank mag jy jou land saai en ses jaar lank jou wingerd snoei en die opbrings daarvan insamel;
-
4
|Levítico 25:4|
maar in die sewende jaar moet daar vir die land volkome rus wees, 'n sabbat vir die HERE; jou land mag jy nie saai en jou wingerd nie snoei nie.
-
5
|Levítico 25:5|
Wat van jou oes opslaan, moet jy nie afoes nie, en die druiwe van jou ongesnoeide wingerdstok nie afsny nie. Dit moet 'n jaar van rus vir die land wees.
-
6
|Levítico 25:6|
En die opbrings van die sabbat van die land sal julle voedsel wees; vir jou en jou slaaf en jou slavin en jou dagloner en jou bywoner wat by jou vertoef,
-
7
|Levítico 25:7|
en vir jou vee en die wild wat in jou land is, sal die hele opbrings daarvan wees om te eet.
-
8
|Levítico 25:8|
Jy moet ook sewe jaarweke tel, sewe maal sewe jaar, sodat die dae van die sewe jaarweke vir jou nege en veertig jaar is.
-
9
|Levítico 25:9|
Dan moet jy in die sewende maand, op die tiende van die maand, 'n basuingeklank laat deurgaan; op die versoendag moet julle die basuin deur julle hele land laat gaan.
-
10
|Levítico 25:10|
En julle moet die vyftigste jaar heilig en 'n vrylating in die land uitroep aan al sy bewoners. Dit moet vir julle 'n jubeljaar wees; dan moet julle elkeen na sy besitting en elkeen na sy geslag teruggaan.
-
-
Sugerencias
Haga clic para leer Job 3-5