-
Leer por capítulos:
-
Afrikaans (1953) -
-
17
|Levítico 7:17|
Maar wat van die offervleis oorgebly het, moet op die derde dag met vuur verbrand word.
-
18
|Levítico 7:18|
En as daar van die vleis van sy dankoffer op die derde dag iets geëet word, sal dit vir hom wat dit bring, nie met welgevalle aangeneem word nie; dit sal hom nie toegereken word nie; 'n onrein iets sal dit wees, en diegene wat daarvan eet, moet sy ongeregtigheid dra.
-
19
|Levítico 7:19|
En die vleis wat aan iets onreins raak, mag nie geëet word nie; met vuur moet dit verbrand word. Maar wat verder die vleis betref elkeen wat rein is, mag vleis eet.
-
20
|Levítico 7:20|
Maar die een wat vleis eet van die dankoffer wat die HERE toekom, terwyl sy onreinheid aan hom is, dié siel moet uit sy volksgenote uitgeroei word.
-
21
|Levítico 7:21|
En as iemand aan iets onreins raak, aan die onreinheid van 'n mens of aan 'n onrein dier of aan enige onrein verfoeisel, en dan eet van die vleis van die dankoffer wat die HERE toekom, dié siel moet uit sy volksgenote uitgeroei word.
-
22
|Levítico 7:22|
Verder het die HERE met Moses gespreek en gesê:
-
23
|Levítico 7:23|
Spreek met die kinders van Israel en sê: Géén vet van 'n bees of skaap of bok mag julle eet nie.
-
24
|Levítico 7:24|
Maar die vet van aas en die vet van wat verskeur is, kan vir allerhande werk gebruik word, maar jy mag niks daarvan eet nie.
-
25
|Levítico 7:25|
Want elkeen wat vet eet van die vee waarvan hulle aan die HERE 'n vuuroffer bring, diegene wat dit eet, moet uit sy volksgenote uitgeroei word.
-
26
|Levítico 7:26|
Ook mag julle géén bloed van voëls of van vee in enigeen van julle woonplekke eet nie.
-
-
Sugerencias
Haga clic para leer Job 18-19