-
Leer por capítulos:
-
Afrikaans (1953) -
-
3
|Levítico 9:3|
En spreek met die kinders van Israel en sê: Neem 'n bokram as sondoffer en 'n kalf en 'n lam, altwee een jaar oud, sonder gebrek, as brandoffer,
-
4
|Levítico 9:4|
ook 'n bul en 'n ram as dankoffer om voor die aangesig van die HERE te offer; en spysoffer met olie gemeng; want vandag verskyn die HERE aan julle.
-
5
|Levítico 9:5|
Toe het hulle voor die tent van samekoms gebring wat Moses beveel het. En die hele vergadering het nader gekom en gaan staan voor die aangesig van die HERE.
-
6
|Levítico 9:6|
En Moses het gesê: Dit is die saak wat die HERE julle beveel het om te doen, sodat die heerlikheid van die HERE aan julle kan verskyn.
-
7
|Levítico 9:7|
En Moses het vir Aäron gesê: Kom nader na die altaar en berei jou sondoffer en jou brandoffer, en doen versoening vir jou en vir die volk, en berei die offer van die volk, en doen versoening vir hulle soos die HERE beveel het.
-
8
|Levítico 9:8|
Toe het Aäron na die altaar nader gekom en die sondofferkalf geslag wat vir hom bedoel was.
-
9
|Levítico 9:9|
En die seuns van Aäron het die bloed na hom gebring, en hy het sy vinger in die bloed gesteek en dit aan die horings van die altaar gestryk. Daarna het hy die orige bloed aan die onderkant van die altaar uitgegiet.
-
10
|Levítico 9:10|
Maar die vet en die niere en die lap aan die lewer van die sondoffer het hy op die altaar aan die brand gesteek soos die HERE Moses beveel het.
-
11
|Levítico 9:11|
En die vleis en die vel het hy buitekant die laer met vuur verbrand.
-
12
|Levítico 9:12|
Toe het hy die brandoffer geslag, en die seuns van Aäron het vir hom die bloed aangegee, en hy het dit rondom teen die altaar uitgegooi.
-
-
Sugerencias
Haga clic para leer 1 Corintios 11-13