-
Leer por capítulos:
-
Afrikaans (1953) -
-
34
|Levítico 23:34|
Spreek met die kinders van Israel en sê: Op die vyftiende dag van hierdie sewende maand is dit sewe dae lank die huttefees vir die HERE.
-
35
|Levítico 23:35|
Op die eerste dag moet daar 'n heilige vierdag wees; géén beroepswerk mag julle doen nie.
-
36
|Levítico 23:36|
Sewe dae lank moet julle aan die HERE 'n vuuroffer bring. Op die agtste dag moet daar vir julle 'n heilige vierdag wees, en julle moet aan die HERE 'n vuuroffer bring. Dit is 'n feestyd; julle mag geen beroepswerk doen nie.
-
37
|Levítico 23:37|
Dit is die feestye van die HERE wat julle moet uitroep as heilige vierdae om aan die HERE 'n vuuroffer te bring: 'n brandoffer en spysoffer, 'n slagoffer en drankoffers soos vir elke dag voorgeskrywe;
-
38
|Levítico 23:38|
behalwe die sabbatte van die HERE en behalwe julle gawes en behalwe al julle geloftes en behalwe al julle vrywillige offers wat julle aan die HERE gee.
-
39
|Levítico 23:39|
Maar op die vyftiende dag van die sewende maand, as julle die opbrings van die land insamel, moet julle die fees van die HERE sewe dae lank vier; op die eerste dag is dit rusdag, en op die agtste dag is dit rusdag.
-
40
|Levítico 23:40|
En op die eerste dag moet julle vir julle vrugte neem van sierlike bome, met palmtakke en takke van digte bome en rivierwilgers, en sewe dae lank voor die aangesig van die HERE julle God vrolik wees.
-
41
|Levítico 23:41|
En julle moet dit as fees van die HERE sewe dae in die jaar vier. Dit is 'n ewige insetting vir julle geslagte. In die sewende maand moet julle dit vier.
-
42
|Levítico 23:42|
Sewe dae lank moet julle in hutte woon; almal wat in Israel gebore is, moet in hutte woon,
-
43
|Levítico 23:43|
sodat julle geslagte kan weet dat Ek die kinders van Israel in hutte laat woon het toe Ek hulle uit Egipteland uitgelei het. Ek is die HERE julle God.
-
-
Sugerencias
Haga clic para leer Juan 19-21