-
-
Afrikaans (1953) -
-
1
|Romanos 14:1|
En neem hom aan wat swak is in die geloof, nie om oor sy gevoelens te oordeel nie.
-
2
|Romanos 14:2|
Die een glo dat 'n mens alles mag eet, maar hy wat swak is, eet groente.
-
3
|Romanos 14:3|
Hy wat eet, moet hom wat nie eet, nie verag nie; en hy wat nie eet, moet hom wat eet, nie oordeel nie, want God het hom aangeneem.
-
4
|Romanos 14:4|
Wie is jy wat die huiskneg van 'n ander oordeel? Hy staan of val met betrekking tot sy eie heer; maar hy sal staande bly, want God is magtig om hom staande te hou.
-
5
|Romanos 14:5|
Die een ag die een dag bo die ander, die ander ag al die dae gelyk. Laat elkeen in sy eie gemoed ten volle oortuig wees.
-
6
|Romanos 14:6|
Hy wat die dag waarneem, neem dit waar tot eer van die Here; en hy wat die dag nie waarneem nie, neem dit nie waar nie tot eer van die Here; en wie eet, eet tot eer van die Here, want hy dank God; en wie nie eet nie, eet nie tot eer van die Here, en hy dank God.
-
7
|Romanos 14:7|
Want niemand van ons leef vir homself nie en niemand sterf vir homself nie.
-
8
|Romanos 14:8|
Want as ons lewe, leef ons tot eer van die Here; en as ons sterwe, sterf ons tot eer van die Here; of ons dan lewe en of ons sterwe, ons behoort aan die Here.
-
9
|Romanos 14:9|
Want hiervoor het Christus ook gesterwe en opgestaan en weer lewend geword, om oor dode sowel as lewende te heers.
-
10
|Romanos 14:10|
Maar jy, waarom oordeel jy jou broeder? Of jy ook, waarom verag jy jou broeder? Want ons sal almal voor die regterstoel van Christus gestel word.
-
-
Sugerencias
Haga clic para leer 1 Corintios 11-13