-
-
Afrikaans (1953) -
-
1
|Romanos 6:1|
Wat sal ons dan sê? Sal ons in die sonde bly, dat die genade meer kan word?
-
2
|Romanos 6:2|
Nee, stellig nie! Ons wat die sonde afgesterf het, hoe kan ons nog daarin lewe?
-
3
|Romanos 6:3|
Of weet julle nie dat ons almal wat in Christus Jesus gedoop is, in sy dood gedoop is nie?
-
4
|Romanos 6:4|
Ons is dus saam met Hom begrawe deur die doop in die dood, sodat net soos Christus uit die dode opgewek is deur die heerlikheid van die Vader, ons ook so in 'n nuwe lewe kan wandel.
-
5
|Romanos 6:5|
Want as ons met Hom saamgegroei het deur die gelykvormigheid aan sy dood, sal ons dit tog ook wees deur dié aan sy opstanding;
-
6
|Romanos 6:6|
aangesien ons dit weet dat ons oue mens saam gekruisig is, sodat die liggaam van die sonde tot niet gemaak sou word en ons nie meer die sonde sou dien nie.
-
7
|Romanos 6:7|
Want hy wat gesterf het, is geregverdig van die sonde.
-
8
|Romanos 6:8|
As ons dan saam met Christus gesterf het, glo ons dat ons ook saam met Hom sal lewe,
-
9
|Romanos 6:9|
omdat ons weet dat Christus, nadat Hy opgewek is uit die dode, nie meer sterf nie. Die dood heers oor Hom nie meer nie.
-
10
|Romanos 6:10|
Want die dood wat Hy gesterf het, het Hy vir die sonde eens en vir altyd gesterwe; maar die lewe wat Hy leef, leef Hy vir God.
-
-
Sugerencias
Haga clic para leer Job 3-5