-
-
Afrikaans (1953) -
-
11
|Romanos 6:11|
So moet julle ook reken dat julle wel vir die sonde dood is, maar lewend is vir God in Christus Jesus, onse Here.
-
12
|Romanos 6:12|
Laat die sonde dan in julle sterflike liggaam nie heers dat julle aan sy begeerlikhede gehoorsaam sou wees nie.
-
13
|Romanos 6:13|
En moenie julle lede stel tot beskikking van die sonde as werktuie van ongeregtigheid nie, maar stel julleself tot beskikking van God as mense wat uit die dode lewend geword het, en julle lede as werktuie van geregtigheid in die diens van God.
-
14
|Romanos 6:14|
Want die sonde sal oor julle nie heers nie; want julle is nie onder die wet nie, maar onder die genade.
-
15
|Romanos 6:15|
Wat dan? Sal ons sonde doen, omdat ons nie onder die wet is nie maar onder die genade? Nee, stellig nie!
-
16
|Romanos 6:16|
Weet julle nie dat aan wie julle julself as diensknegte tot beskikking stel om hom gehoorsaam te wees, julle diensknegte is van hom aan wie julle gehoorsaam is nie òf van die sonde tot die dood, òf van die gehoorsaamheid tot geregtigheid?
-
17
|Romanos 6:17|
Maar ons dank God dat julle wel diensknegte van die sonde was, maar van harte gehoorsaam geword het aan die voorbeeld van die leer wat aan julle oorgelewer is,
-
18
|Romanos 6:18|
en, vrygemaak van die sonde, het julle diensbaar geword aan die geregtigheid.
-
19
|Romanos 6:19|
Ek spreek menslikerwys ter wille van die swakheid van julle vlees; want net soos julle jul lede diensbaar gestel het aan die onreinheid en wetteloosheid om wetteloos te wees, so moet julle nou jul lede diensbaar stel aan die geregtigheid tot heiligmaking.
-
20
|Romanos 6:20|
Want toe julle diensknegte was van die sonde, was julle vry van die geregtigheid.
-
-
Sugerencias
Haga clic para leer Job 8-10