-
-
Afrikaans (1953) -
-
1
|Romanos 5:1|
Omdat ons dan uit die geloof geregverdig is, het ons vrede by God deur onse Here Jesus Christus;
-
2
|Romanos 5:2|
deur wie ons ook deur die geloof die toegang verkry het tot hierdie genade waarin ons staan; en ons roem in die hoop op die heerlikheid van God.
-
3
|Romanos 5:3|
En nie alleen dit nie, maar ons roem ook in die verdrukkinge, omdat ons weet dat die verdrukking lydsaamheid werk,
-
4
|Romanos 5:4|
en die lydsaamheid beproefdheid en die beproefdheid hoop;
-
5
|Romanos 5:5|
en die hoop beskaam nie, omdat die liefde van God in ons harte uitgestort is deur die Heilige Gees wat aan ons gegee is.
-
6
|Romanos 5:6|
Want toe ons nog swak was, het Christus op die regte tyd vir die goddelose gesterwe.
-
7
|Romanos 5:7|
Want nouliks sal iemand vir 'n regverdige sterwe vir 'n goeie mens sal iemand miskien nog die moed hê om te sterwe
-
8
|Romanos 5:8|
maar God bewys sy liefde tot ons daarin dat Christus vir ons gesterf het toe ons nog sondaars was.
-
9
|Romanos 5:9|
Veel meer dan sal ons, nou dat ons geregverdig is in sy bloed, deur Hom gered word van die toorn.
-
10
|Romanos 5:10|
Want as ons, terwyl ons nog vyande was, met God versoen is deur die dood van sy Seun, veel meer sal ons deur sy lewe gered word nou dat ons versoen is.
-
-
Sugerencias
Haga clic para leer Job 3-5