-
-
Afrikaans (1953) -
-
21
|Romanos 8:21|
in die hoop dat ook die skepping self vrygemaak sal word van die slawerny van die verganklikheid tot die vryheid van die heerlikheid van die kinders van God.
-
22
|Romanos 8:22|
Want ons weet dat die hele skepping tesame sug en tesame in barensnood is tot nou toe.
-
23
|Romanos 8:23|
En nie alleen dit nie, maar ons self ook wat die eerstelinge van die Gees het, ons sug ook in onsself in afwagting van die aanneming tot kinders, naamlik die verlossing van ons liggaam.
-
24
|Romanos 8:24|
Want ons is gered in hoop; maar die hoop wat gesien word, is geen hoop nie; want wat iemand sien, waarom hoop hy dit nog?
-
25
|Romanos 8:25|
Maar as ons hoop wat ons nie sien nie, dan wag ons daarop met volharding.
-
26
|Romanos 8:26|
En net so kom ook die Gees ons swakhede te hulp, want ons weet nie reg wat ons moet bid nie, maar die Gees self tree vir ons in met onuitspreeklike sugtinge.
-
27
|Romanos 8:27|
En Hy wat die harte deursoek, weet wat die bedoeling van die Gees is, omdat Hy ooreenkomstig die wil van God vir die heiliges intree.
-
28
|Romanos 8:28|
En ons weet dat vir hulle wat God liefhet, alles ten goede meewerk, vir hulle wat na sy voorneme geroep is.
-
29
|Romanos 8:29|
Want die wat Hy vantevore geken het, dié het Hy ook vantevore verordineer om gelykvormig te wees aan die beeld van sy Seun, sodat Hy die eersgeborene kan wees onder baie broeders;
-
30
|Romanos 8:30|
en die wat Hy vantevore verordineer het, dié het Hy ook geroep; en die wat Hy geroep het, dié het Hy ook geregverdig; en die wat Hy geregverdig het, dié het Hy ook verheerlik.
-
-
Sugerencias
Haga clic para leer 1 Corintios 11-13