-
-
Xhosa -
-
1
|1 Timoteo 2:1|
Ndiyavuselela ngoko kuqala kwiinto zonke, ukuba kwenziwe izikhungo, imithandazo, izibongozo, imibulelo, ngenxa yabantu bonke;
-
2
|1 Timoteo 2:2|
ngenxa yookumkani nabo bonke abasekongameni, ukuze sihlale ngokonwaba nangokuzola, sinokuhlonela uThixo, nokundileka konke.
-
3
|1 Timoteo 2:3|
Kuba oku kuhle, kwamkelekile emehlweni oMsindisi wethu uThixo;
-
4
|1 Timoteo 2:4|
onga yena bangasindiswa bonke abantu, bafikelele ekuyazini inyaniso.
-
5
|1 Timoteo 2:5|
Kuba mnye uThixo; mnye nomlamli phakathi koThixo nabantu, umntu uKristu Yesu,
-
6
|1 Timoteo 2:6|
lowo wazinikelayo ukuba abe yintlawulelo yokukhulula abantu bonke; ubungqina ke obo bokungqinwa ngamaxesha angawabo;
-
7
|1 Timoteo 2:7|
endithe ndamiselwa bona mna, ukuba ndibe ngumshumayeli nompostile (ndithetha inyaniso ndikuKristu, andixoki), umfundisi weentlanga elukholweni nasenyanisweni.
-
8
|1 Timoteo 2:8|
Ngoko ndinga angathandaza amadoda kuzo zonke iindawo, ephakamisa izandla ezingcwele, engenangqumbo, engenantandabuzo.
-
9
|1 Timoteo 2:9|
Kwangokunjalo mabathi nabafazi banxibe iingubo ezifanelekileyo, beneentloni, benesidima, ingabi kukuphotha iinwele, nokunxitywa kwegolide neeperile, nesambatho esixabiso likhulu;
-
10
|1 Timoteo 2:10|
mabathi (ngokufanele abafazi abathi bahlonela uThixo), bavathe imisebenzi elungileyo.
-
-
Sugerencias
Haga clic para leer 2 Corintios 5-7