-
-
Xhosa -
-
1
|Efesios 2:1|
Nani unidlise ubomi, nifile nje ziziphoso na zizono;
-
2
|Efesios 2:2|
enanifudula nihamba kuzo ngokwesimo seli hlabathi, ngokomphathi wegunya lesibhakabhaka, womoya lo usebenzayo ngoku kubo abangevayo;
-
3
|Efesios 2:3|
esasifudula nathi sonke sihleli phakathi kwabo ezinkanukweni zenyama yethu, sisenza ukuthanda kwenyama nokwengcinga, saye ngemvelo sikwangabantwana bengqumbo, njengabanye abo.
-
4
|Efesios 2:4|
Ke uThixo, esisityebi nje ngenceba, uthe ngenxa yothando lwakhe olukhulu, awasithanda ngalo,
-
5
|Efesios 2:5|
thina sifile nje ziziphoso, wasidlisa ubomi ndawonye noKristu (nisindiswe ngokubabalwa),
-
6
|Efesios 2:6|
wasivusa naye, wasihlalisa naye kwezasemazulwini iindawo, sikuKristu Yesu;
-
7
|Efesios 2:7|
ukuze ubutyebi obuncamisileyo bobabalo lwakhe abubonakalalise emaphakadeni azayo, ngokusenzela ububele ngoKristu Yesu.
-
8
|Efesios 2:8|
Kuba nisindiswe ngokubabalwa nangalo ukholo; nako oko kungaphumi kuni, kusisipho sikaThixo;
-
9
|Efesios 2:9|
akuphumi misebenzini, hleze kubekho bani uqhayisayo.
-
10
|Efesios 2:10|
Kuba thina singumsebenzi wakhe, sidalelwe kuKristu Yesu, ukuze senze imisebenzi elungileyo, awayilungisayo uThixo ngenxa engaphambili, ukuze sihambe kuyo.
-
-
Sugerencias
Haga clic para leer 2 Corintios 5-7