-
-
Xhosa -
-
1
|Gálatas 3:1|
Ehlani, maGalati aswele ukuqonda! Ngubani na oninyangileyo, ukuba ningayithambeli nje inyaniso, ebethe nje phambi kwamehlo enu uYesu Kristu wabhalwa, wabhegezwa phakathi kwenu, ebethelelwe emnqamlezweni?
-
2
|Gálatas 3:2|
Ndithanda ukukha ndiqonde kuni le ndawo yodwa: Namamkela uMoya emisebenzini yomthetho, namamkela ezindabeni zokholo, kusini na?
-
3
|Gálatas 3:3|
Ninje na ukuswela ukuqonda? Nakuba niqale kuMoya, ngoku nigqibela kwinyama na?
-
4
|Gálatas 3:4|
Izinto ezinzima kangaka nafumana naziva na? ukuba kanti benifumana nisenza.
-
5
|Gálatas 3:5|
Lowo ngoko uniphayo uMoya, usebenza imisebenzi yamandla kuni, ukwenza oko ngokwasemisebenzini yomthetho, ukwenza ngokwasezindabeni zokholo, kusini na?
-
6
|Gálatas 3:6|
njengokuba uAbraham wakholwayo nguThixo, kwaza oko kwabalelwa ebulungiseni kuye.
-
7
|Gálatas 3:7|
Yazini ngoko ukuba abaselukholweni, ngabo abo abangoonyana baka-Abraham.
-
8
|Gálatas 3:8|
Isibhalo, sibona ke ngenxa engaphambili ukuba uThixo uyazigwebela iintlanga ngokwaselukholweni, sazishumayela ngenxa engaphambili iindaba ezilungileyo kuAbraham, sisithi, Ziya kusikelelelwa kuwe zonke iintlanga.
-
9
|Gálatas 3:9|
Ngoko ke abaselukholweni bayasikelelwa ndawonye noAbraham okholwayo.
-
10
|Gálatas 3:10|
Kuba bonke abangabasemisebenzini yomthetho, baphantsi kwesiqalekiso; kuba kubhaliwe kwathiwa, Baqalekisiwe bonke abangahlaliyo ezintweni zonke ezibhaliweyo encwadini yomthetho, ukuba bazenze.
-
-
Sugerencias
Haga clic para leer Éxodo 37-38