-
-
Xhosa -
-
1
|Gálatas 4:1|
Ndithi ke, indlalifa, ngexesha lonke engumntwana, ayahluke nganto kumkhonzi, nakuba iyinkosi yeento zonke;
-
2
|Gálatas 4:2|
iphantsi kwabagcini namagosa, kude kufike ixesha elimiswe ngaphambili nguyise.
-
3
|Gálatas 4:3|
Ngokunjalo nathi, xenikweni besingabantwana, besingamakhoboka aphantsi kweziqalelo zehlabathi.
-
4
|Gálatas 4:4|
Lithe ke lakuzaliseka ixesha, uThixo wamkhupha weza uNyana wakhe, othe wazalwa ngumntu oyinkazana; ethe wazalelwa phantsi komthetho,
-
5
|Gálatas 4:5|
ukuze abakhulule ngokubathenga abaphantsi komthetho, ukuze sikuzuze ukwenziwa oonyana.
-
6
|Gálatas 4:6|
Ngokuba ke ningoonyana, uThixo wamkhupha uMoya woNyana wakhe, weza ezintliziyweni zenu, edanduluka esithi, Abha, Bawo.
-
7
|Gálatas 4:7|
Ngoko ke akusengumkhonzi, ungunyana; ukuba ke ungunyana, ukwayindlalifa kaThixo ngoKristu.
-
8
|Gálatas 4:8|
Kanti okunene, oko naningamazi uThixo, nanikhonza kwabo ngemvelo bangethixo;
-
9
|Gálatas 4:9|
ngoku ke, nakuba nimazile uThixo, hayi kanye mandithi, nakuba naziwe nguThixo, nenza ntoni na ukubuya niguqukele kwiziqalelo ezingenamandla, ezingenaluncedo, enithanda ukubuya nikhonze zona ngokutsha?
-
10
|Gálatas 4:10|
Nimana nigcina imihla, neenyanga, namaxesha, neminyaka.
-
-
Sugerencias
Haga clic para leer Éxodo 39-40