-
-
Xhosa -
-
1
|Hebreos 5:1|
Kuba wonke umbingeleli omkhulu, engovele ebantwini nje, umiselwa abantu ezintweni ezilunge kuThixo, ukuze asondeze iminikelo kwanamadini ngenxa yezono;
-
2
|Hebreos 5:2|
enokuthantamisa kwabangazi nto nabalahlekayo, ekubeni naye ngokwakhe enxitywe ubulwelwe.
-
3
|Hebreos 5:3|
Ngenxa yabo ke ufanelwe kukuthi, njengokuba esondezela abantu, kwangokunjalo azisondezele amadini ngenxa yezono.
-
4
|Hebreos 5:4|
Kanjalo akukho mntu uzithabathela ngokwakhe imbeko leyo; oyithabathayo ngobizwe nguThixo, kwanjengoAron.
-
5
|Hebreos 5:5|
Ngokunjalo naye uKristu akazizukisanga ngokwakhe, ukuba abe ngumbingeleli omkhulu; wazukiswa ngowathethayo kuye, wathi, UnguNyana wam wena, Mna ndikuzele namhla;
-
6
|Hebreos 5:6|
njengokuba esithi nakwenye indawo, Wena ungumbingeleli ngonaphakade, Ngokohlobo lukaMelkitsedeke.
-
7
|Hebreos 5:7|
Owathi ngemihla yenyama yakhe, xa wayesondeze izikhungo kwanezibongozo kulowo unako ukumsindisa ekufeni, kunye nodanduluko olunamandla, neenyembezi, waviwa ngenxa yokumhlonela kwakhe uThixo.
-
8
|Hebreos 5:8|
Nakuba ebenguNyana, wafunda ukululama ngobunzima awabuvayo;
-
9
|Hebreos 5:9|
waza, egqibelele, waba yimbangi yosindiso olungunaphakade kubo bonke abamlulamelayo,
-
10
|Hebreos 5:10|
ebizwe nguThixo, ukuba abe ngumbingeleli omkhulu ngokohlobo lukaMelkitsedeke.
-
-
Sugerencias
Haga clic para leer 2 Corintios 5-7