-
-
Xhosa -
-
1
|Santiago 5:1|
Wenani kaloku, zityebi, lilani nenze isijwili ngeenkxwaleko zenu ezizayo.
-
2
|Santiago 5:2|
Ubutyebi benu bubolile, neengubo zenu zidliwe ngamanundu.
-
3
|Santiago 5:3|
Igolide nesilivere yenu idliwe ngumhlwa; umhlwa wazo uya kuba lingqina ngakuni, uyidle inyama yenu njengomlilo. Niziqwebele ubutyebi ngeemini zokugqibela.
-
4
|Santiago 5:4|
Yabonani, umvuzo wabasebenzi, abavune amasimi enu, lowo ubandeziweyo nini, uyakhala; kwaye ukubhomboloza kwabavuni abo kungenile ezindlebeni zeNkosi yemikhosi.
-
5
|Santiago 5:5|
Nadla ubuncwane emhlabeni apha, naxhamla iziyolo, nazondla iintliziyo zenu njengamhla kuxheliweyo.
-
6
|Santiago 5:6|
Namgweba, nambulala olilungisa; yena akanichasi.
-
7
|Santiago 5:7|
Nyamezelani ngoko, bazalwana, ide ifike iNkosi. Niyabona, umlimi uyasilinda isiqhamo sawo umhlaba esinexabiso elikhulu, anyamezele ngaso, side samkele eyaphambili neyasemva imvula.
-
8
|Santiago 5:8|
Nyamezelani nani, zizimaseni iintliziyo zenu, ngokuba ukufika kweNkosi kusondele.
-
9
|Santiago 5:9|
Musani ukukrokrelana omnye nomnye, bazalwana, ukuze ningagwetywa; yabonani, uMgwebi umi phambi komnyango.
-
10
|Santiago 5:10|
Bathabatheni, bazalwana bam, abaprofeti ababethetha egameni leNkosi, babe ngumzekelo wokuva ubunzima, nowokunyamezela.
-
-
Sugerencias
Haga clic para leer 1 Corintios 8-10