Deuteronômio - Versão AFRIKAANS - Novo Tempo - BibliaOnLine

Deuteronômio

Leia por capítulos

Comentário sobre a Leitura Bíblica de Hoje

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

Afrikaans (1953)

Capítulo 1

₁ |Deuteronômio 1:1| Dit is die woorde waarmee Moses die hele Israel toegespreek het oos van die Jordaan in die woestyn, in die Vlakte teenoor Suf, tussen Paran en Tofel en Laban en Háserot en Di-Sahab.

₂ |Deuteronômio 1:2| Elf dae is die pad van Horeb af na die gebergte Seïr tot by Kades-Barnéa.

₃ |Deuteronômio 1:3| En in die veertigste jaar, in die elfde maand, op die eerste van die maand, het Moses met die kinders van Israel gespreek net soos die HERE ten opsigte van hulle aan hom bevel gegee het;

₄ |Deuteronômio 1:4| nadat hy Sihon, die koning van die Amoriete, wat in Hesbon gewoon het, en Og, die koning van Basan, wat in Astarot gewoon het, in Edréï verslaan het.

₅ |Deuteronômio 1:5| Oos van die Jordaan in die land Moab het Moses onderneem om hierdie wet te verklaar deur te sê:

₆ |Deuteronômio 1:6| Die HERE onse God het met ons by Horeb gespreek en gesê: Julle het lank genoeg by hierdie berg gebly.

₇ |Deuteronômio 1:7| Trek weg en breek op en gaan na die gebergte van die Amoriete en na al sy naburige plekke: die Vlakte, die Gebergte en die Laeveld en die Suidland en by die seekus--die land van die Kanaäniete en die Líbanon, tot by die groot rivier, die Eufraatrivier.

₈ |Deuteronômio 1:8| Kyk, Ek gee die land aan julle oor; gaan in en neem die land in besit wat die HERE aan julle vaders Abraham, Isak en Jakob met 'n eed beloof het om dit aan hulle te gee en aan hulle nageslag ná hulle.

₉ |Deuteronômio 1:9| En ek het met julle in dié tyd gespreek en gesê: Ek kan julle alleen nie dra nie.

₁₀ |Deuteronômio 1:10| Die HERE julle God het julle vermenigvuldig; en kyk, julle is vandag soos die sterre van die hemel in menigte.

- Sugestões